粤读时光31兰花草 [复制链接]

粤读时光，看见生命中嘅光。

我最近睇咗《乘风破浪嘅姐姐》，

我听咗宁静、阿朵同袁咏琳唱嘅《兰花草》，

我唔系好中意佢哋唱歌嘅舞台，

有啲loeng1(老土),

不过我中意佢哋唱嘅歌，

好有气场啊，

我揾到咗佢哋唱歌嘅歌词，

歌词都写得好好，

不过呢首歌系改编咗嘅。

改编呢首歌嘅人叫唐恬，

佢帮好几首出名嘅歌填过词，

例如周笔畅嘅《笔记》，

何洁的《你一定要幸福》，

仲有我细细个就喺TVB上面听过嘅《Lydia》，

还有选秀鼻祖《超级女声》嘅主题曲，

《唱得响亮》。

唐恬嘅歌词有好深好深嘅感情，

都传达咗一种向上，

同埋自强嘅信念。

《兰花草》呢首歌嘅歌词本来系胡适写嘅诗，

我从山中来，带住兰花草。

种喺小园中，希望花开早。

一日睇三回，睇到花时过。

兰花仲系，花苞都冇一个。

转眼秋天到，移兰入暖房。

朝朝频顾惜，夜夜不相忘。

期待春花开，能将夙愿偿。

满庭花簇簇，添得许多香。

呢首诗讲嘅系朋友送咗一棵兰花俾佢，

但系佢种咗好耐都冇开花。

呢首诗入面嘅兰花好矜贵，

需要人悉心照料，

系温室入面嘅花。

但系唐恬笔下嘅兰花，

唔再系温室入面嘅花，

而系一朵可以喺野外，

接受风吹雨打嘅花，

坚强又独立。

我觉得唐恬想表达嘅系，

年轻嘅女性似温室的兰花，

而三十几岁的女性就好似野外嘅兰花，

佢哋坚强独立咁面对生活中嘅风风雨雨。

改编之后嘅歌词系咁样嘅：

我朝山中去，带住兰花草。

山间风雨大，悬崖亦开花。

不愿居暖房，迎风晒月光。

我慕天地广，花语亦铿锵。

我朝山中去，带住兰花草。

风雪点过妆，岁月方留香。

无需谁在旁，裙踞亦飘扬。

我慕天地广，花语亦铿锵。

呢首歌我最中意嘅一句歌词系，

闯浮世，抱憾事，

念情诗，都由佢自己决定。

如果一个人可以按自己嘅意愿过自己嘅一生，

呢个就系最大嘅幸运啦。

下面我会完整读下唐恬填词嘅《兰花草》。

我从山中来，带住兰花草。

种喺小园中，希望花开早。

一日睇三回，睇到花时过。

兰花仲系，花苞都冇一个。

转眼秋天到，移兰入暖房。

朝朝频顾惜，夜夜不相忘。

期待春花开，能将夙愿偿。

满庭花簇簇，添得许多香。

我朝山中去，带住兰花草。

山间风雨大，悬崖亦开花。

不愿居暖房，迎风晒月光。

我慕天地广，花语亦铿锵。

我朝山中去，带住兰花草。

风雪点过妆，岁月方留香。

无需谁在旁，裙踞亦飘扬。

我慕天地广，花语亦铿锵。

嗰个女仔有住花嘅样，

靓得放肆眼角带刺，

风霜雪雨都留住，影子变成故事。

唔住喺边个嘅花园，

唔再为边个剪花枝。

闯浮世，抱憾事，

念情诗，都由佢自己决定。